تحديث-حفل الهضبة بجامعة المستقبل

هيشهد يوم 20 نوفمبر 2009 عودة الهضبة للغناء في الجامعات بعد غياب حوالي 3 سنوات من آخر حفلة قام باحيائها .. وسيكون الحفل بجامعة المستقبل.

الحفل بدون تذاكر ويحضره طلاب الجامعة عن طريق الكروت الخاصة بهم بالاضافة لدعوة اخري اضافية لكل طالب .. وسوف ترسل دعوات لطلاب بعض المدارس الخاصة لجذب الطلاب للالتحاق بالجامعة.

ــــــــــــــــــــــــــــــــــــــــــــــــــــــــــ

قرر الفنان العالمي عمرو دياب تأجيل الحفل الي يوم 4/12/2009 نظرا للأحداث المؤسفة والارهابية اللي تمت من الهجوم الارهابي و البربري من الجزائريين علي الجمهور المصري بالسودان.

العالمي يفوز بجائزة البيج أبل العالمية ويعتذر عن عدم الحضور

يقام اليوم الاحتفال بجائزة بيج أبل ميوزيك أوردس بنيويورك اللي الهضبة كان مرشح فيه لجايزتين فاز بيهم وهما جايزة انجاز العمر وجايزة أفضل مطرب لعام 2009.

الهضبة ماقدرش يحضر الاحتفال فأرسل لادارة المهرجان تسجيل مصور ليه بيشكر فيه المهرجان وفريق عمل الألبوم وأهدي الفوز لجمهوره.

ألف مبروك يا عالمي الجايزة العالمية الجديدة اللي هتضاف لسجلك الفني المشرف ومن نجاح لنجاح ديما.

مسلسل الهضبة مفاجأة جامدة

في استطلاع رأي الديابين عن مشاركة الهضبة في مسلسل في رمضان القادم كانت النتيجة كالتالي:

70% فالوا انها مفاجأة جامدة.
19% كان رأيهم ان فيها مجازفة.
9% مشيوا مع النتيجة التاريخية لكل خبر من نفس النوع وقالوا انه كالعادة مش هيمثل.

محدث-وأخيرا أصبح لينا موقع رسمي بجد

الكلام عن الرسمية حلم كان نفسنا نحققه كلنا كجمهور ديابي بجد وبيحب عمرو ونفسه يلاقي مكان واحد يجمعه بعيد عن المواقع الكتير اللي في الأغلب بتشتت الجمهور وبتخليهم يحتاروا احيانا وده كان بيظهر لما موقع يطلع بخبر وتلاقي سايت تاني ينفيه.

وبوادر الرسمية عرفها الجمهور من خلال "موقع عالم عمرو دياب" وهو أول موقع لعمرو يتكتب عليه الموقع الرسمي وكانت فرحة كبيرة لكن وقتها كان الجمهور الديابي بيحس ان في حاجة ناقصة او مش كاملة وكان في أسئلة عايزة اجابات زي ليه مش بيتكتب اسم السايت علي غلاف ألبومات عمرو وكليباته زي النجوم العالميين لحد ماتقفل السايت واتشالت عنه الرسمية بدون أسباب ماكنتش مفهومة وقتها.

ورجعت الأمور تاني لنقطة الصفر ومابقاش في أي سايت رسمي الي ان صرح الاستاذ /أحمد زغلول سكرتير الهضبة علي صفحته ع الفيس بوك بافتتاح موقع رسمي جديد وهو شخص لا يقبل التشكيك لمكانتة وقربه من الهضبة.

واللي فرحنا أكتر لما قرينا حوار علي لسان عمرو مع مجلة كلام الناس ومجلة روتانا وقال فيه انه ليه عدة مواقع بيتابعها لكن قريبا مش هيكون ليه غير موقع واحد يتحدث باسمه رغم الخطأ المطبعي في ذكر اسم السايت.

وبقينا نشوف اعلانات للسايت في الشوارع:

الي ان صدر ألبوم "وياه" ولقينا اسم السايت الرسمي مكتوب علي غلاف الألبوم زي ما كنا بنتمني ديما:

واتصور كليب وياه من الألبوم واتكتب في أخره اسم السايت:

وأخيرا حسينا ان عندنا سايت رسمي بجد معموله دعايا وعمرو بيتكلم عنه وبيطلب من جمهوره انهم يشتركوا فيه ومايصدقوش غيره وبيتكتب فيه أي حاجة رسمية بتحمل اسمه وعليه أخبار عنه لا تقبل التشكيك وبقي لينا سايت واحد بيجمعنا كلنا وموحدنا تحت اسم المطرب العالمي اللي بنحبه عشان يتحقق الحلم...حتي لو فضل البعض عايش في الوهم.

بيان صادر من مكتب الدكتور/حسام لطفي المحامي علي لسان الهضبة بخصوص الموقع الرسمي:

وتتوالي الجوائز..الهضبة نجم الدير جيست وجائزة عالمية جديدة

بعد فوز الهضبة بأربع جوايز افريقية تتوالي الجوائز بفوز الهضبة بجايزة أحسن مطرب وكذلك فوز ألبوم وياه بجايزة أحسن ألبوم غنائي في استفتاء مجلة الديرجيست اللي بيعد اهم استفتاء في المنطقة العربية في الوقت الحالي..

وتم ترشيح الهضبة للفوز بجايزة عالمية جديدة تقام بنيويورك تسمي:
Big Apple Music Awards

الجايزة تمنح للفنانين المتميزين بمنطقة الشرق الاوسط واسيا الوسطي والقوقاز ويقام الاحتفال بمركز منهاتن بنيويورك يوم 15 نوفمبر 2009..ويفوز المرشحين للجايزة من خلال تصويت الجمهور علي الموقع الرسمي الخاص بالجايزة.

ده بخلاف الورلد ميوزيك أورد اللي بينتظرها جمهور الهضبة لانه الأعلي مبيعا حسب لوائح الجايزة في ترشيح الفائزين بيها.