وكعادة عمرو مش بيقدم اي حاجة لمجرد الرد او من النوع اللي بيضعف قدام الهجوم او بيرضخ لحد ولازم قبل مايعمل اي حاجة يكون حاسس بقيمتها وعارف هو بيعمل ايه وقبل ده كله امتي يعملها ولما جه الوقت المناسب قدم عمرو واحدة من اقوي الاغاني الوطنية في تاريخ الاغنيات الوطنية وفي الوقت اللي بيتزامن مع احتفالات ميلاد رئيس جمهورية مصر العربية محمد حسني مبارك اللي سبق وغناله لو فين هتروح تلاقي 60 مليون فدائي ايام ماكانت مصر 60 مليون..دلوقتي بقينا 80 مليون فدائي يعني لو واحدكح في وش ريسنا يبقي عيب علينا.
فريق العمل
كلمات:مدحت العدل
ألحان:عمرو دياب
توزيع:حسن الشافعي
الكليب من اخراج شريف صبري المتميز في النوعية دي من الكليبات واللي سبق وقدم مع عمرو اغنية القدس دي ارضنا والعائد للتعاون مع عمرو بعد غياب من اخر كليب جمعهم "ولا علي باله" وركزمن خلالها علي النماذج المشرفة في تاريخ مصر ولم يخجل عمرو بانه يضع محمد منير في كليب خاص بيه وبيظهر قبل منه احتراما لتاريخه وتقديرا لهذا النجم الاسطوري وياريت المطربين الشباب يتعلموا من عمرو.
Posts
ايه علاقة الريس بالوطن
ReplyDeleteالبلد مش بتقف على حال رئيس خصوصاً لو من نوعية الرئيس مبارك
بدليل
أغانى ام كلثوم و حليم اللى عن الثورة والحرب و النصر و الهزيمة كلنا عارفينها و عايشة
لكن أغانيهم الى كانت عشان عيون عبد الناصر الى كانت أصدق من أغانى دلوقتى أصلاً .. مش عايشة و مش بتذاع حتى فى التلفزيون ولا الإذاعات
لأنها ماتت بموت زعيمها
زى 60 مليون فدائى الى أصبحوا 80 فى وجود نفس الرئيس فى خلال 12 سنة
أنا معترض أولاً على معاد نزولها مش عيج ميلاد بس .. لأ دى فترة اضرابات و اضطرابات ... أقول وسط كل ده واحد مننا ؟؟؟؟؟؟؟؟َ!!!!!
الكليب نصه مبارك , وباقى الكليب ناس رفعت اسم مصر فى مجالات ... ايه هو هدف الأغنية بالضبط ؟ رد الجميل لهم .. ولا تذكيرنا بيهم
لو تذكيرنا بيهم .. كان فى أغنية للطيفة اسمها تعرف تتكلم بلدى و تشم الورد البلدى و تعيش الحلم العربى يبقى انت اكيد المصرى وجابهم بالاسم كمان ... !!!!!!