وياه في 2009

كل ما يخص ألبوم "وياه" من أخبار (رسمية):

اسم الالبوم: وياه
تاريخ الصدور: 28/6/2009
موزع الالبوم: حسن الشافعي

أغاني الألبوم 12 أغنية:

1-حلوة الايام
كلمات: خالد تاج الدين، ألحان: عمرو دياب

2-الله على حبك
كلمات: مجدي النجار، ألحان: عمرو مصطفي

3-عيني وانا شايفه
كلمات: بهاء الدين محمد، ألحان: عمرو مصطفي

4-يهمك في ايه
كلمات: أيمن بهجت قمر، ألحان: محمد يحيي

5-طمني
كلمات: خالد تاج الدين، ألحان: البدري كلباش

6-اه مالفراق
كلمات: بهاء الدين محمد، ألحان: عمرو دياب

7-وياه
كلمات: تامر حسين، ألحان: عمرو مصطفي

8-الا حبيبي
كلمات: عبد المنعم طه، ألحان: عمرو دياب و الملحن الليبي محمد امين

9-بقدم قلبي
كلمات: أيمن بهجت قمر، ألحان: عمرو مصطفي

10-مالك
كلمات: ايمن بهجت قمر، ألحان: عمرو دياب

11-وحياتي خليكي
كلمات: عبد المنعم طه، ألحان: عمرو طنطاوي

12-بعدت ليه
كلمات: هاني عبد الكريم، ألحان: خالد عز

سيمبلز الألبوم:
للاستماع..اضغط هنا.
للتحميل..اضغط هنا.

أغنية "وياه" من راديو روتانا..اضغط هنا.

صور البوستر والغلاف :

إعلان الألبوم:

الألبوم اتسرب يا رجالة

زي ما توقع الديابين حصل التسريب للسنة التالتة ع التوالي بنجاح ساحق بجميع محافظات مصر والدول العربية، ولازال العرض مستمر .. ومع روتانا مش هتقدر تغمض عنيك...

لازم نوضح ان الهضبة من ناحيته عمل كل حاجة في الألبوم ده علي قد ما يقدر عشان ما يتسربش وما سابش خرم ابرة عشان يحصل التسريب .. لكن روتانا مش عايزة تتعلم ومش عايزة تعرف السلبيات فين وتعالجها وديما التسريب ما بيحصلش الا لما الماستر يوصل الشركة .. والمرة الوحيدة اللي حصل فيها التسريب قبل تسليم الماستر والهضبة في مرحلة تسجيله اعترف ان الخلل حصل من عنده وما سكتش الا لما تم القبض علي المتسببين في التسريب حسب بعض الصحف ما نشرت ومنهم جريدة "المصري اليوم" وده بينفي كلام الناس اللي بتقول انه دعاية او خطة استرتيجية او ان الهضبة سربهم عشان يجس نبض الناس او يشوف رد فعلهم والكلام اللي ما يدخلش عقل حد عنده مخ يفكر بيه.. والمفروض روتانا بعد كده تعمل معادين لألبوم عمرو.. الأول معاد تسريبه والتاني معاد نزوله الرسمي!

اذا كان ألبوم "الليلادي" اتسرب قبل نزوله بأسبوع وخد الأورد علي أعلي مبيعات فألبوم "وياه" هيحقق اعلي مبيعات في تاريخ الوطن العربي لانه ألبوم للتاريخ.

جميع النسخ الموجودة في السوق نسخ مضروبة ومزورة وتم تعديل موعد صدور الألبوم عشان يبقي بكرة يوم الاحد 28/6/2009 واتأكد وانت بتشتريه انه النسخة الأصلية مش المزورة.

هنشتري السي دي والألبوم

استطلاع رأي بسيط عنوانه "هتشتري..." وبعدها كانت الاختيارات ما بين الشريط والسي دي او الاتنين مرة واحدة .. وكانت النتيجة مبهرة وماتطلعش الا من الديابين.

46% اختاروا انهم يشتروا الاتنين مرة واحدة ! ... اختيار مايطلعش الا من جمهور الهضبة اللي بيقدر شغله وبيشتري الألبوم حتي لو اتسرب.

32% اختاروا شراء السي دي .. والنسبة الباقية كانت 20% كان اختيارهم لشراء الشريط.

ان شاء الله الألبوم ينتزل ويحطم الرقم القياسي في المبيعات ويحافظ الهضبة علي مكانه المعتاد والطبيعي واللي ماجاش اللي يقدر ينزله عنه طول فترة وجوده.

محدث-الهضبة يشارك في مهرجان قرطاج 2009

بعد غياب 5 سنين عن الجمهور التونسي من اخر حفلة عملها الهضبة هناك في قرطاج 2004 .. هيعود السنة دي ويشارك في مهرجان قرطاج رقم 45 لعام 2009 اللي هيبدأ في 9 يوليو وينتهي في 17 اغسطس.

حفل الهضبة هيكون يوم 14 أغسطس ان شاء الله .. من تنظيم وبرعاية شركة روتانا وهينقل مباشرة علي قناة روتانا موسيقي.

بوستر ألبوم وياه

انتظروا صورة بوستر ألبوم "وياه" النهارده علي الموقع الرسمي للهضبة.
وهيتم اضافته للموضوع في نفس وقت صدوره...انتظروا القنبلة.....

------------------

صورة البوستر:

أخبار ألبوم عمرو دياب 2009

بما ان الاعلام بدأ يتكلم عن ألبوم عمرو القادم والاسماء المرشحة للعمل في الالبوم وجلسات العمل قررت ان اعمل حصر وتجميع لكل اللي هيتكتب عن اخبار الالبوم هنا وهيتحدث كل فترة مع كل جديد يتكتب ويتنشر في وسائل الاعلام يعني

Keep in touch

• الاخبار علي مسئولية المصدر ونشرها لا يعني صحتها

-بعد ما تم الصلح بين عمرو دياب وعمرو مصطفي في حضور اسامة رشدي وايمن بهجت قمر والملحن محمد الطوخي اتفق الاتنين علي تلحين عمرو مصطفي ل 3 اغاني من كلمات ايمن بهجت قمر

جريدة صوت الامة

-عمرو دياب بدأ العمل في الالبوم وبيختار اغاني من تلحين محمد يحي وهيقوم بتوزيعها حسن الشافعي مؤقتا

جريدة وشوشة

-بدأ المطرب المصري عمرو دياب منذ أيام في التحضير لألبومه الجديد .
و قد بدأ عمرو في عقد جلسات عمل مع بعض الشعراء و الملحنين منهم خالد تاج الدين و عمرو مصطفى.
يذكر أن عمرو طلب من الشاعر خالد تاج الدين أن يبدأ في كتابة أغنيات الألبوم الجديد و بالفعل بدأ خالد تاج في كتابة الأغاني.

موقع آرام

-بدأعمرو جلسات عمل مكثفة منذ أيام قليلة مع مجموعة من الشعراء والملحنيين لاختيار أغنيات ألبومه الجديد المقرر طرحه فى نهاية فصل الصيف القادم ، وأولى الأغنيات التي وقع إختياره عليها أغنية بعنوان " على قد ما تقابلنا" كلمات خالد أمين وألحان المطرب نفسه.

موقع ايلاف

-عمرو دياب حدد نهاية الصيف موعد لاصدار البومه وهيتعامل مع الشعراء نادر عبد الله وبهاء الدين محمد وايمن بهجت قمر وخالد امين ومحمد رفاعي والملحنين محمد يحيي وخالد عز ومحمد رحيم وحسن دنيا وعمرو مصطفي.

جريدة الأخبار

-انتهي عمرو من تسجيل 3 اغاني وهما "ملاك" و" "مانستكيش" والاتنين كلمات خالد تاج الدين وألحان عمرو مصطفي واغنية "عودت قلبي" ألحان عمرو مصطفي وكلمات شاعر جديد اسمه عز الدين والاغاني التلاتة توزيع نادر حمدي واللي عمرو اختاره يوزع كل اغنيات الألبوم..عمرو بيعقد جلسات عمل مع شعراء وملحنين تانيين عشان يختار اغاني يضمها للألبوم.

جريدة الدستور

عمرو دياب اختار 3 اغاني من ألحان محمد يحيي وماتحددش معاد تسجيلهم او اذا كان هيلحن اغاني تانية في الالبوم واغنية من التلاتة اسمها "لو تعرف" كلمات امير طعيمة وماتحددش مين هيقوم بتوزيعهم.
موقع في الفن

عمرو الان شغال فى البومه الجديد وهو هيكون عباره عن اعادة توزيع اغانيه القديمه من اول البوم ميال لحد الليلادى و الالبوم هيكون من انتاج روتانا.
موقع شارع عمرو دياب

عمرو بدأ في تسجيل أغنيات الألبوم اللي هينزل في اخر العام الحالي رغم انه لسا ماستقرش علي شركة انتاج وده بيعزز احتمالية انه ينتج الالبوم بنفسه..عمرو سجل 3 أغاني من أعمال ايمن بهجت قمر وحسن الشافعي.
مجلة الاذاعة والتليفزيون

الهضبة بدء من اسبوع جلسات عمل مع الشعراء والملحنين والموزع حسن الشافعي لوضع الخطوط العريضة لألبومه القادم..الهضبة لازال في مرحلة الاستماع والاختيار من اجل تقديم افكار جديدة ولا صحة للشائعات التى تداولت عبر عدة مواقع باعادة توزيع اغانى من البوماته السابقه.

موقع عالم عمرو دياب

في سرية تامة اتصل عمرو بالموزع حسن الشافعي وطلب منه انه يبدأ يشتغل علي الاغنيات اللي هيضمها للالبوم وفي سرية برده قام بحجز ستوديو ليلة خلال الفترة القادمة وده اصاب المطربين بالفزع لانه هيسبب تعطيل كل شئ بالنسبة ليهم (الاستوديو والشعراء والملحنين والموزعين لانشغالهم بالبوم الهضبة)..الخبر صدم البعض لانهم ظنوا ان عمرو بيصور برنامج قصة حياته عشان ناوي يعتزل.
موقع بص وطل

الموزع كريم عبد الوهاب اعلن انه هيتعاون مع عمرو في البومه القادم وعمرو اكدله انه متابع لاعماله اللي نالت استحسانه وبعد مجموعة من جلسات العمل اتفق فيها عمرو مع كريم علي الخطوط العريضة للعمل بالالبوم والاشكال الموسيقية اللي هيقدمها..عمرو هيبدأ تسجيل الالبوم فور الانتهاء من برنامج مشوار قصة حياته.
موقع في الفن

عمرو مصطفي قدم 4 الحان للهضبة وعمل بيهم تنازل لعمرو..اغنيتين لايمن بهجت قمر واغنيتين لخالد تاج الدين.
جريدة عين

الهضبة بدأ في تسجيل أغاني الألبوم ولسا ماستقرش ع الاغنية الرئيسية فيه..وفريق العمل من الشعراء بيتكون من مجدي النجار وبهاء الدين محمد ومصطفي مرسي وخالد تاج الدين وايمن بهجت قمر..وفي التلحين هيتعاون لاول مرة مع الملحن والمطرب التونسي غازي العيادي وهيرجع من تاني يتعاون مع الملحن خليل مصطفي.
جريدة الجمهورية

الهضبة في رمضان دخل الاستوديو عشان يحط اللمسات النهائية علي الالبوم اللي انتهي من تسجيل عدد كبير من اغانيه.عمرو بيدخل الاستوديو كل يوم من الساعة 10 مساء ويخلص شغل قبل اذان الفجر بنص ساعة.
جريدة الاخبار

اغنية اعلان بيبسي "طمني" من كلمات الشاعر خالد تاج الدين وألحان البدري كلباش وتوزيع حسن الشافعي هتكون في الالبوم القادم لعمرو..وفي 3 اغاني تانيين في الالبوم من كلمات خالد تاج الدين, الاولي الحان عمرو دياب والتانية الحان خالد عز والتالتة الحان عمرو مصطفي وكانت المفروض تنزل في البوم الليلادي لكن الهضبة اجلها.
موقع في الفن

الهضبة بيفكر انه يقدم اغنية باللهجة الخليجية في الالبوم القادم -اللي هينزل اخر السنة- لاول مرة.
مجلة كلام الناس

رمضان السنة دي هيكون معسكر للهضبة يختار فيه اغنيات البومه وهيبدأ تسجيلها بعد العيد مباشرة عشان ينزل في شهر ديسمبر.
جريدة عين

الهضبة بيستعد عشان يحط صوته علي العشر اغاني اللي اختارهم للالبوم واللي اتعاون فيهم مع مجموعة من الشعراء والملحنين زي مجدي النجار وعمرو مصطفي..الالبوم بيحتوي علي 4 اغاني من كلمات خالد تاج الدين, الاولي لحنها الهضبة واتنين لحنهم خالد عز والرابعة اغنية اعلان بيبسي طمني لحنها البدري كلباش ووزعها حسن الشافعي واحتمال تكون هي اغنية الهيد...
بالاضافة لاغنية اخري هتكون في اعلان اخر لبيبسي اسمها الله علي حبك انت من كلمات مجدي النجار والحان عمرو مصطفي وتوزيع حسن الشافعي...عمرو ماحددش معاد معين لنزول الالبوم بس بيفكر ينزله في راس السنة او بداية موسم الشتا.
جريدة الدستور

عمرو يقوم حاليا بوضع اللمسات الأخيرة على ألبومه المقبل الذي من المقرر أن يطرح في الأسواق مع نهاية هذا العام، وقد انتهى عمرو بالفعل من تسجيل سبعة أغاني هي «عودت قلبي»، «ملاك»، «حنيه الدنيا»، «فاكرينيك بتحبيني»، «آه من الفراق»، «حاول تنساني»، «يا ريت سنك يزيد سنتين»
جريدة الوقت

عمرو بيسجل اغاني البومه وبيفرض سرية تامة عليها وعامل حصار امني بعد تسريب احد اغنياته..الهضبة اختار من الشعراء بهاء الدين محمد ومجدي النجار وخالد تاج الدين ومصطفي مرسي وعلي مستوي الالحان هيكون فيه مفاجآت في الاسماء اللي هيتعاون معاها وهيكون في اغنيتين من الحانه.
مجلة كلام الناس

عمرو رجع بالسلامه من انجلترا وابتدى بتسجيل اخر أغانيه الجديده فى ستوديو "ليله"..كل الأغانى حتى الآن من توزيع "حسن الشافعى" وهما مصنفين تحت أغانى على مستوى رفيع جدا من الجمال! "حسن الشافعى" يكمل رائعته "نقول أيه" بأغنيه ستيل "هاوس" من تلحين "عمرو مصطفى" وفى احتمال كبير حتى الأن أن تكون هى الأغنيه الرئيسيه للألبوم القادم!..عمرو ابتدى التسجيل من الساعه التاسعه ليلا وانتهى الساعه الثانيه والنصف صباحا!..والآستاذ ماجد سرور ورضا بدير اشتركو فى التسجيل فى أحد الأغانى الجديده لعمروو..قام بالتسجيل مهندس الصوت تامر الزوئيبى . ومن المتوقع زمن التسحيل والميكسينج للألبوم سيخصص له فترة حوالى شهرين من الوقت أو أكتر.
موقع شارع عمرو دياب

تم تسجيل 5 اغانى حتى الان داخل استديو ليله وقد اختار دياب الاغنيات الخمسه لتكون ضمن قائمة اغنيات الالبوم القادم الله على حبك انت والتى ستكون داخل احد اعلانات بيبسى كما ذكرت نانا من قبل والاغنية واحده من الاغنيات ذات الرتم السريع واخر اغنية دخلت الى قائمة اغانى الالبوم هى " ياما " وهى اغنية رائعه من ايقاع المقسوم
وبخصوص ايمن بهجت فقد عمل مع عمرو فى بداية تجهيز الالبوم ثم اختفا بعد زلك فلا نستطيع ان نجزم اذا كان سيشارك فى الالبوم ام لا مازال الوقت مبكر جدا لتاكيد زلك
لا يزال هناك 5 اغنيات اخرى فى مرحلة الاعداد ليكتمل عدد اغانى الالبوم ال 10 ولكن قد يتغير كل شىء فى اى لحظه فهذا هو عمرو دياب.
موقع شارع عمرو دياب

البوم عمرو فيه اكتر من مفاجأة منها استعانته بمجموعة من العازفين والموزعين العالميين منهم الموزع العالمي بيتي بيتشيل واتنين من اهم عازفي الترومبيت والبوق هما سايمون جاردنر واندي جرينوود.. بالاضافة لتعاونه مع حسن الشافعي في التوزيع وتقديم الموسيقي الليبية مع البدري كلباش.
مجلة الشبكة

الفنان عمرو دياب يسلم شركة روتانا رسميا عبر محاميه الدكتور حسام لطفى الشريط الماستر لالبومه الجديد الذى سوف يصدر نهاية الشهر المقبل.
جريدة الفجر

انتهي عمرو من تسجيل 11 اغنية للالبوم اللي ماخترلوش اسم لسا وبينوي انه ينزله قبل راس السنة والاغنيات اللي سجلها هي:
"الله على حبك إنته" المرشحة لعنوان الألبوم ، و"ياما" و"ليلة ما قابلتك "، و"طمني"، و"بينا حكاية"، و"ذكريات" المرشحة لتغيير اسمها لأن دياب لديه أغنية سابقة بنفس الاسم، و"أنا وهي"، و"عودت قلبي"، و"يا ريت"، و"اتكلمت عليك"، و"أه من الفراق"...الاغاني كلها توزيع حسن الشافعي.
MBC

الهضبة بيفكر في اختيار اسم للالبوم اللي وزع اغلب اغانيه حسن الشافعي وتعامل فيه مع الملحن التونسي غازي في أغنية كتبها الشاعر مصطفى مرسي ومع الملحن الليبي البدري كلباش في اغنية طمني ومع خالد عز في اغنية "يا ما" وعمرو مصطفى في اغنية اختارها من قبل لضمها في ألبومه "الليلا دي" ولكنه أجّل طرحها لألبوم أخر .
موقع مصراوي

عمرو هيسلم الماستر لروتانا يوم 30 نوفمبر..انتهي من تسجيل 10 اغاني اتنين كتبهم خالد تاج الدين واغنية لبهاء الدين محمد واغنية لمجدي النجار والملحنين عمرو مصطفي وعمرو طنطاوي..بالاضافة لاغنية اسمها "حالة" كتبها ايمن بهجت قمر ولحنها الهضبة كانت المفروض تنزل في البوم الليلادي لكن الهضبة أجلها..الاغاني توزيع حسن الشافعي.
جريدة الدستور

الفنان عمرودياب لم ينتهى حتى الان من وضع صوته على جميع اغانى الالبوم والاغانى اللى انتهت بيمكسجها فعلا تامر الزؤيبي والالبوم بالكامل من توزيع حسن الشافعى ولا وجود لكريم عبد الوهاب فى الالبوم .
الملحنين : عمرودياب وخالد عز وعمرو مصطفى.
موقع عالم عمرو دياب

بعد الصلح بين عمرو دياب وعمرو مصطفي اتفق الاتنين علي تلحين اغنية من كلمات خالد تاج الدين تبقي هيد للالبوم بالاضافة للحنين كان تنازل عنهم من فترة للهضبة..خروج محمد يحيي من الالبوم بسبب خلافات بينه وبين عمرو..الهضبة بعت لحن لعمرو مصطفي لايمن بهجت قمر يكتب عليه كلمات جديدة..مجدي النجار كتب 3 اغاني منهم "ليه" و "الله علي حبك انت" ولبهاء الدين محمد اغنيتين هما "عيني" و "أه مالفراق"..وتعاون لاول مرة مع المطرب التونسي غازي العيادي في تلحين اغنية.
جريدة الفجر

الاسم المبدأي للالبوم "بروحله لحد عنده"..خالد عز لحن اغنيتين الهضبة هيختار منهم واحدة وفي الاغلب اغنية "ياما"..عمرو طنطاوي عمل لحن سلو لسا مالوش كلمات..الهضبة ليه لحنين واحد منهم كلمات بهاء الدين محمد..تعاون مع الشاعر تامر حسين في اغنية ماكنتش ناوي الحان عمرو مصطفي اللي لحن 4 اغاني هينزل منهم 3 الحان..التونسي غازي العيادي والليبي البدري كلباش لكل واحد منهم لحن.
جريدة وشوشة

البوم الهضبة في بداية عام 2009 بعد ما انهي تسجيل معظم اغانيه.
مجلة روتانا

خالد عز لحن اغنيتين للهضبة.."بعدت ليه" من كلمات هاني عبد الكريم، و"ياما" من كلمات خالد تاج الدين والأغنيتين من توزيع حسن الشافعي"..الالبوم في شهر فبراير.
موقع في الفن

مفيش اي موعد محدد للالبوم واي مواعيد بتنشر مجرد توقعات..الهضبة بيضع اللمسات الاخيرة ع الالبوم ولسا ماسلمش الماستر.
موقع عالم عمرو دياب

بعد 10 ايام يسافر الهضبة لندن لتنفيذ عملية الـديجيتال ماستر ووضع اللمسات الاخيرة..متوقع نزول الالبوم في 14 فبراير ومن الوارد انه يتأجل وينزل في اخر مارس..الهضبة لسا ماخترش البوستر.
جريدة الحياة

ألبوم الهضبة في الاسبوع الاول من شهر مارس وبيتكتم علي اسمه خوفا من التسريب.
جريدة البديل

بعد انتهاء الفلانتين اصبح من المؤكد صدور البوم الهضبة في الصيف.
مجلة الاذاعة والتليفزيون

بعد تسريب أغاني من الألبوم الهضبة هيأجل صدور من عيد الحب الي اخر شهر مارس.
جريدة الدستور

عمرو مصطفي لحن 5 اغاني هما:الله علي حبك انت كلمات مجدي النجار وذكريات ايه كلمات تامر حسين وحبيتك الف مرة كلمات ايمن بهجت قمر واغنية من كلمات خالد تاج الدين واغنية ماكنتش ناوي اللي اتسربت.
مجلة زهرة الخليج

الهضبة قرر ينزل الالبوم في فصل الصيف بالتحديد في نص يونيو وتعامل فيه مع أيمن بهجت قمر وخالد تاج وتامر حسين ومجدي النجار، ومع الملحنين محمد يحيى وعمرو مصطفى.
موقع في الفن

الهضبة سمع اغاني جديدة وقرر يضمها للالبوم وهيأجل صدوره من اول ابريل الي شهر يونية.
جريدة الاخبار

الهضبة اختار اغنية جديدة اسمها "حبيبي خلاص" من كلمات خالد تاج والحان عمرو مصطفي وتوزيع حسن الشافعي.
موقع في الفن

الهضبة لسا بيسجل اغاني جديدة ومانتهاش من الالبوم وماحدش يعرف امتي هينزل الا عمرو..الهضبة سجل 23 اغنية هيتم تصفيتها الي 12 اغنية مش من ضمنهم ال 4 المتسربين..شعراء الالبوم هما:بهاء الدين محمد وخالد تاج الدين وايمن بهجت قمر ومجدي النجار وتامر حسين ومدحت العدل..الملحنين:محمد يحيي وعمرو طنطاوي والبدري كلباش ولعمرو مصطفي 4 الحان ولخالد عز لحنين هما بعدت ليه ويانا..كل اغاني الالبوم توزيع حسن الشافعي..كل الاغاني تم تسجيلها في ستوديو ليلة مع مهندسي الصوت محمد صقر وتامر الزؤيبي..من اغاني الالبوم:حبيبي قولي وماتقولش لا وطمني وحبيبي خلاص (من الحان عمرو مصطفي وكلمات خالد تاج الدين) وممكن تكون هيد الالبوم واه من الفراق (لبهاء الدين محمد والحان الهضبة)..الهضبة هيصور البوستر خلال ايام مع كريم نور.
جريدة عين

مازال العمل جارى على قدم و ساق من قبل عمرو دياب و كانت اخر الاغانى المنضمه للالبوم بعنوان " وياك " و كعادتنا فى الانفراد بالحصريات ننشر مقدمه من كلماتها و تقول: وياك الحياه حلوه وياك عشت عمري.
و ان شاء الله قريبا سينتهى عمرو من العمل فى الالبوم على ان تكون عمليه تسليم الماستر لشركه روتانا قريبا جداا لتبدأ التجهيز لطرحه بالاسواق و لكن حتى الان لم يحدد الفنان عمرو دياب موعد محدد لبدء دعايه الالبوم او موعدا نهائيا لصدوره و لكن بأى حال من الاحوال لن يتأخر الالبوم كثيرا.
موقع شارع عمرو دياب

الهضبة سجل اغنية جديدة اسمها "يهمك في ايه" في استوديو ليلة من كلمات أيمن بهجت قمر وألحان محمد يحيي وتوزيع حسن الشافعي.
موقع في الفن

الهضبة هيسافر لندن خلال ايام عشان عملية المكساج للألبوم..الهضبة هيسلم الماستر لروتانا في منتصف مايو عشان تجهزه للنزول في اول يونية.
جريدة الدستور

عمرو انتهي من العمل فى الالبوم وخلال ساعات سوف يسافر الى لندن برفقة حسن الشافعى و تامر الزوقبى لعمل الماستر لاغانى الالبوم وهذه العمليه تستغرق 3 ايام على ان يعود عمرو يوم الجمعه القادم ليختار الاغانى التى سوف تطرح بعد الالبوم على ان يسلمها الى شركة روتانا لبدء عملية طباعته و نزوله بالاسواق.
موقع شارع عمرو دياب

الهضبة انتهي من تسجيل البومه وهينزل في التلت الاخير من شهر يونية.
موقع في الفن

الهضبة سافر يوم الخميس لندن عشان يتابع المراحل النهائية في عمل الماستر بعد ما أجل سفره من يوم الثلاثاء لحضور عزاء حفيد الريس وطلب من حسن الشافعي وتامر الزوقبي انهم يسافروا لتجهيزه..الهضبة لسا ماحددش اغاني الالبوم وارسل كل الاغاني لندن.
موقع اليوم السابع

الهضبة رجع من لندن يوم السبت بعد ما خلص مكساج الالبوم هناك..واتفق مع روتانا علي نزول الالبوم يوم 5 يونية وتسبقه دعاية كبيرة داخل مصر وفي العواصم العربية.
موقع مصراوي

ألبوم الهضبة "حنية قلب" هينزل يوم 14 يونيو ..شعراء الالبوم هما.. بهاء الدين محمد، مجدى النجار، مصطفى مرسى، وخالد تاج الدين، والملحنين عمرو مصطفى، تامر عاشور، وحسن الشافعى..من أغاني الالبوم.. "ملاك" و"بتحبنى" و"حاول تنسانى" و"فاكرينك" و"آه من الفراق" و"يا ريت سنك يزيد سنتين" و"طمنى" و"عودنى قلبك".
موقع اليوم السابع

حسام مصطفي المسئول الاعلامي لروتانا اعلن ان الهضبة انتهي من الالبوم وسلم الماستر وهيصدر في 14 يونيو..الملحنين والشعراء والموزعين هما .. أيمن بهجت قمر وخالد تاج وتامر حسين ومجدي النجار و محمد يحيي وعمرو مصطفى وشريف الوسيمي وحسن الشافعي.
موقع في الفن

الهضبة غير كلمات ولحن وتوزيع اغنية "الا حبيبي"..أيمن بهجت قمر قدم لعمرو 3 اغاني الاولي الحان محمد يحيي والتانية الحان عمرو مصطفي والتالتة الحان الهضبة..كلمات اغنية طمني اتغيرت..من اغنيات الالبوم "يهمك في ايه" كلمات ايمن بهجت قمر وألحان محمد يحيي "اه مالفراق" كلمات بهاء الدين محمد ولحن الهضبة "كله الا حبيبي" كلمات عبد المنعم طه "ليالي" كلمات خالد تاج الدين ولحن خالد عز "ذكريات ايه" كلمات تامر حسين ولحن عمرو مصطفي "وياه" كلمات تامر حسين ولحن عمرو مصطفي "وحياتك خليك" كلمات عبد المنعم طه ولحن عمرو طنطاوي "بعدت ليه" كلمات هاني عبد الكريم ولحن خالد عز وتم تغيير توزيعها فقط..التوزيع بالكامل لحسن الشافعي..هندسة صوت تامر الزوئيبي ومحمد صقر.
جريدة الشارع

الهضبة هيسلم الماستر يوم 8-6 لروتانا والالبوم هينزل يوم 18-6 وهيكون في اليونان يوم 15-6 عشان يصور الكليب المرشح ليه اغنية "حلوة الايام" من كلمات خالد تاج الدين والحان الهضبة والمتوقع انها تكون هي عنوان الالبوم..الالبوم 12 اغنية لحن الهضبة 3 منهم وزيهم عمرو مصطفي والباقي ألحان محمد يحيي وخالد عز والبدري كلباش..الشعراء خالد تاج الدين وتامر حسين وبهاء الدين محمد وايمن بهجت قمر وهاني عبد الكريم ومجدي النجار ومن اغاني الالبوم: وياه ،ياما، يهمك في ايه، مالك، بعدت ليه، طمني، الله علي حبك، حلوة الايام.
مجلة زهرة الخليج

الدكتور حسام لطفى مدير اعمال الهضبة صرح انه تم تسليم الماستر من مكتبه والنغمات هتنزل علي أول الاسبوع الجاي وعدد الاغاني 12 اغنية والألبوم هينزل في نهاية شهر يونيو.
موقع شارع عمرو دياب

بوستر الألبوم هينزل السبت الجاي بشوارع وميادين مصر الرئيسية، ومنها شارع جامعة الدول العربية، وميدان التحرير، وطريق المحور، وكوبرى 6 أكتوبر.
موقع اليوم السابع

الألبوم اسمه "وياه" وهينزل في 1/7 والهضبة حاليا بيجهز صور البوستر الخاص بيه.
موقع في الفن

ألبوم "وياه" بيضم 12 أغنية وهيتم تصوير أغنية وياه..وهيصدر في أخر شهر يونيو.
MBC

الآن سامبلز ألبوم وياه

تم تغيير اسم الألبوم كما هو المعتاد كل عام قبل صدوره بأيام بسيطة من "حلوة الأيام" الي "وياه"..

دلوقتي تقدر تسمع سامبلز الألبوم الجديد "وياه":

للاستماع..اضغط هنا.
للتحميل..اضغط هنا.

ودي تعتبر أول دعاية رسمية للألبوم.

حقائق زغلولية

في الوقت اللي اختفي فيه موقع عالم عمرو دياب عشان اسباب ادارية .. و زي ما قال موقع شارع عمرو دياب انهم واخدين تعليمات بعدم نشر أي أخبار تخص الألبوم وكذلك باقي المواقع الديابية ظهر الاستاذ أحمد زغلول من خلال صفحته ع الفيس بوك وأصبح هو مصدر الأخبار الأول للديابين وكل أخبار الألبوم الجديدة كانت بتتعرف من خلاله ..
وبعض الصحف الصفرة هاجمته لأنه قضي علي دورها وخصوصا انه كان بينفي كل الأخبار التعبانة اللي كانت بتنزل علي صفحاتها وهما حسوا انه وجوده وسط جمهور الهضبة خطر علي مصداقيتهم المنعدمة أصلا وهيكشف خطأ كل أخبارهم..وكتبوا انه بيشتغل الديابين عشان يفقدوه مصداقيته عندهم..في الوقت اللي ممكن جريدة من دول تنزل تقطيع في الهضبة وتقارنوا بمطرب درجة عاشرة وممكن كمان تقول انه أحسن منه وفي الاخر يكتبوا اصلنا بنحب الهضبة..بزمتكم يبقي مين بيشتغل مين؟!!

من الحاجات اللي انفرد بيها الاستاذ أحمد زغلول وعرفها الجمهور من خلاله:

كان اول واحد يقول ان اسم الالبوم حلوة الايام قبل أي جريدة او اي موقع..في الوقت اللي كان وسائل الاعلام بتكتب اسامي زي حنية الدنيا وحنية قلب ومعاك انا وبروحله لحد عنده لكن هو كان بينفي كل ده.

اول واحد قال ان الالبوم هيضم 12 اغنية مش 10 اغاني زي اخر 3 ألبومات مع روتانا.

نشر اسامي 95% من اغاني الألبوم لحد دلوقتي ومنها اسامي أول مرة تتسمع وماسبقش لأي وسيلة اعلامية كتبت عنها في الوقت اللي كانت بتكتب عن اغاني زي عوت قلبي وملاك ومانستكيش واسامي تانية كتير مالهاش علاقة بالألبوم.

أعلن عن أول معاد رسمي للألبوم يوم 14-6 ورغم انه اتغير بعد كده لكن ما هو برده اللي قال عن المعاد الجديد .. ودي مش أول المرة يتقال معاد ويتغير والهضبة نفسه بيقول مواعيد وبتتغير..وسبق وأعلن في مؤتمر توقيع عقده مع روتانا ان الألبوم في شهر ديسمبر واتأجل 6 شهور لحد دلوقتي.. والاستاذ أحمد أعلن عن المعاد ولما اتغير اعلن انه هيتأخر ايام بسيطة لا تتجاوز ال 16 يوم بس !

من خلال صفحته ع الفيس بوك الناس عرفت الموقع الرسمي الجديد للهضبة..قبل اي مكان تاني ما يعلن.

في الوقت اللي كل صحف كوكب الأرض وكوكب المريخ وعلي راسها الصحف الصفرة كتبوا ان عمرو أصدر جريدة الشارع وكملوها بانه فرحان بمبيعاتها..ظهر هو ونفي تماما علاقة الهضبة بالجريدة وقال انها ماتخصش الهضبة من قريب او بعيد.

أخيرا صرح بان الهضبة هيظهر في يوم صدور الألبوم لجمهوره من خلال أحد المواقع الالكترونية وهيسمع رأيهم في الألبوم..في مفاجأة اكتر من كده ممكن كان يتوقعها اي حد بيحب الهضبة؟!


شكر خاص من الهضبة علي غلاف ألبوم كمل كلامك:

وواحد زيه علي ألبوم الليلادي:

وزيهم في برنامج الحلم:

وشكر خاص جدا من كل الديابين للأستاذ أحمد زغلول علي دوره المهم في توصيل الخبر الصح لجمهور الهضبة.

كلام تقيل في التأجيل

بعد الاعلان عن تأجيل الألبوم ظهرت بعض ردود الأفعال الغاضبة لأن الناس في شوق انها تسمع الهضبة بعد سنتين غياب..ويمكن انتظار الناس سنتين كاملين ولما اتحدد المعاد من خلال الادارة الفنية للهضبة والتأكيد عليه اكتر من مرة وفجأة حصل اللي حصل كانت الصدمة كبيرة ..وخصوصا انه لو كان من الأول اتقال معاد متأخر اكتر من 14-6 وليكن 1-7 زي الموعد الحالي ماكنتش الناس زعلت وكانت هتستني لكن يتقال معاد ويتأجل..هي دي المشكلة والأزمة اللي موجودة دلوقتي.
تخيل انك بتموت من الجوع وبقالك 4 ايام من غير اكل وواحد قالك انه هيجيبلك اكل كمان نص ساعة..ولما فات نص ساعة الا خمسة جه وقالك استني كمان 6 ساعات .. ممكن تقتله لان هو نفسه قتل الصبر عندك ومابقاش فاضل ولو دقيقة..ماعدش ينفع..انتهي!
ده تحليل بسيط للصورة اللي ظهرت عند بعض الناس ولكن..

جمهور الهضبة عمر حبه ليه ما كان ألبوم او أغنية .. أكبر من كده بكتير لأننا قاطعنا كل اللي هاجموه وردينا عليهم وماسكتناش لأي حد تجاوز في حق الهضبة ودي مالهاش علاقه بأغانيه وألبوماته.

الناس اللي زعلت عشان الالبوم اتأجل كام يوم كانت هتعمل ايه لو كان الخبر اعتزال عمرو دياب؟!

سهل جدا جدا ان الهضبة يسجل 10 اغاني مع اي فريق عمل ويقوم منزل الألبوم ويريح نفسه لأن مفيش حد بيحب يتعب نفسه الا لو كان بيحب الناس اللي بيتعب عشانهم .. وكل يوم تأجيل زيادة معناه ساعات سهر زيادة وشغل أكتر وتعب أكتر.

الهضبة مش هينزل الألبوم الا لما يرضا عنه بنسبة 100% عشان يليق بجمهوره ويفضل رقم واحد طول عمره وماعندوش استعداد يغامر بشعبيته وتاريخه في يوم من الأيام والذكي اللي يفهم كده.

ماتدوش فرصة لحد من الحاقدين انه يستغل الحالة دي ويحاول يخليكم اداة ضغط علي عمرو لحد ماتتحولوا لشئ ضده..

معاك من أول "الطريق" لحد "الليلادي"..وهنفضل علي طول معاك.

الموقع الرسمي الجديد للهضبة يعلن عن تأجيل الألبوم

ظهر اليوم موقع رسمي جديد للهضبة عنوانه الالكتروني:
www.amrdiab.net

وده كان عنوان أحد المواقع الهامة للهضبة ومن اوئل المواقع اللي ظهرتله ع النت لكن اتنقل ملكية الدومين بتاعه للهضبة وأصبح يحمل عنوان الموقع الرسمي الجديد ليه.

كل أخبار الهضبة الحصرية والصحيحة هتكون من خلال السايت الرسمي المذكور اعلاه وهيكون أول مكان ينفرد بأخباره.

أول خبر علي صفحة الموقع الرسمي عبارة عن عداد لصدور ألبوم الهضبة واللي بيوضح انه تم تأجيله حوالي 16 يوم وهينزل يوم 1-7-2009.

مبروك لكل عشان الهضبة افتتاح الموقع الرسمي.

هات ودنك..وخدها تاني

منتج ماكنش حد يسمع عنه غير لما الهضبة راح شركته اسمه "محزن غابر" طلع في مرة يعيط علي ضياع تراث حليم وشراء شركة خليجية ليه وديما يقول انه عايز يحافظ ع الفن المصري وننقذه من ايد روتانا اللي بتحاول تقضي عليه وبتاخد نجومنا المصريين وبتجمدهم .. في نفس الوقت اللي قناته بتهاجم كل الفنانين المصريين الكبار جدا وبتسئ ليهم بأبشع الكلام ..وبيقول علي مطرب مصر والوطن العربي الاول انها راحت عليه وعجز وعمل عمليات تجميل، ده غير انه رافع عليه قضية..وبيطلق علي مطربة مصر الاولي أنغام اسم ألغام وكل يوم يجرح في حياتها الخاصة..ومطربة مصر الواعدة جدا شيرين والقادمة لاحتلال الساحة كأول مطربة بلا منافس كل كام يوم يجرح فيها ويشتمها وبرده رافع عليها قضية..محمد فؤاد بقي اسمه علي القناة محمد فخاد وصوته حشرج وتخن وبقي وحش..وكذلك حكيم المطرب الشعبي الاول واللي عمل حاجة كويسة للفن الشعبي ع المستوي العالمي اتهاجم علي نفس القناة...يعني مش سايب كل الفنانين المصريين في حالهم بين قضايا وتجريح في شخصهم وحياتهم واهانة ويقولي الفن المصري...اللي اختشوا ماتوا.

في الايام الجايا في ألبوم نازل لأحد المؤديين بيقول في اغنية من اغاني الالبوم: "ياحبيبتي انا خونتك امبارح"..بلاش قلة ادب وسفالة بقي ولم نفسك.

في اواخر التمنينات نزل البوم لولاكي لعلي حميدة وكان مكسر الدنيا وفي نفس الفترة نزل ألوم ميال للهضبة ومن بعدها اختفي علي حميدة..وراغب علامة اعترف بفشل ألبوم حبيبي ياناسي عشان نزل مع ألبوم الهضبة نور العين ..وفؤاد كان من اشد المنافسين في طريق الهضبة لكن انتهت المنافسة دي وتفرد الهضبة بالقمة بعد نزول ألبومه تملي معاك مع البوم القلب الطيب لفؤاد..وفي الايام الجايا دي هينزل ألبوم مطرب "ما" فاكر نفسه منافس للهضبة بس خلاص شكله هيوحشنا وهتنتهي اللعبة اللي اخترعها من اول ما طلع عشان ينجح بأسرع الطرق.

المطرب القمر بعد ما طلع وهاجم الهضبة طلع في حلقة مع كرومبو..والمطرب الحبسجي بعد ما هاجم الهضبة طلع في حلقة مع كرومبو..شوفتوا اللي بيهاجم الهضبة بينجح وكرومبو بيطلبوا في عمل معاه ازاي ..واهي كلها ارزاق!

استنوا حلوة الايام.

حلوة الايام قريبا

ألبوم الهضبة المنتظر يوم 14 يونيو هيكون اسمه "حلوة الايام".. الدعاية والبوستر وتفاصيل الالبوم خلال الساعات القادمة.

فريق عمل اغنية حلوة الايام:
كلمات: خالد تاج الدين
ألحان: عمرو دياب
توزيع:حسن الشافعي

رد الهضبة علي اتهامات راغب علامة

اتنشر في كل وسائل الاعلام علي لسان راغب علامة انه بيتهم الهضبة بتسريب ألبوماته كل سنة عشان يستخدمها في الدعاية للألبوم وأكد إن النوع ده من الدعاية من أذكى أنواع التسويق للأعمال الفنية، ونتيجته مضمونة عند الجمهور!!!!

الغريب ان كلام زي ده يطلع من راغب علامة اللي كان في يوم من الأيام من الفنانين "الكويسين" اللي ع الساحة ورغم انه مطرب برده وليه ألبومات بتنزل وأكد حسب كلامه ان النوع ده من أذكي أنواع الدعاية وكمان نتيجته مضمونة .. طيب ليه ما بتعملهاش؟!!!

ولنفترض ان الهضبة فعلا هو اللي بيسرب (مجرد فرض) فنحييه علي ثقته في نفسه انه بيدي الالبوم للناس قبل ما ينزل ومتأكد انهم برده هيشتروه وهيحقق اعلي مبيعات كالعادة .. واتحدي لو راغب علامة قدر يستخدم النوع ده من الدعاية لانه أكيد للكبار قوي قوي قوي فقط.

السؤال ده اتسأل للهضبة في حفل توقيع عقده مع روتانا لان الاشاعة دي انتشرت بقوة بعد تسريب ألبوم الليلادي وهو رد عليه باستفاضة ومن أهم النقط في رده :
-الصحفي محمود معروف قال اذا كان امتحانات الثانوية العامة بتتسرب وعمرو قال يبقي أنا برده.
-الهضبة أكد انه مش من مصلحته نزول الألبوم بالمجان.
-مفيش أي منطق يخلي فنان يعمل كده.
-د/حسام لطفي نفي تماما وأكد انهم رفعوا قضايا وتم القبض علي بعض المتسببين في التسريب.
-الهضبة قال انه بيتسربله ألبومات من أول ميال لكن التكنولوجيا الموجودة حاليا خلتها ظاهرة.

شاهد رد الهضبة باستفاضة :

تسريب الألبوم متوقع وطبيعي

زي ماكنت متوقع وقولت ان الالبوم هيتسرب يعني هيتسرب بناء علي مجموعة من المعطيات والمؤشرات والظروف المعتادة في كل ألبوم للهضبة..الجمهور صوت في الاستفتاء وقال رأيه في نفس الموضوع انه ده الطبيعي بنسبة 52% وكالعادة هيتسرب.

27% قالوا التسريب مستحيل المرة دي..ويارب يطلع عندهم حق.

19% قالوا مش عارفين وماعندهمش توقع معين.