محدث3-حفلة مارينا 2009

حفلة الصيف وحفلة الموسم والحفلة اللي بينتظرها كل وسائل الاعلام والجماهير المصرية والعربية اللي بتسافر عشان تحضرها..حفلة السنة وكل سنة .. طبعا حفلة الهضبة في مارينا.

تم الاعلان عن موعد حفل الهضبة السنوي في مارينا يوم 7 أغسطس..وانتظروا مزيد من التفاصيل لاحقا.

--------------

الحفل في أرض جولف بورتو مارينا ومن تنظيم مصطفي اسماعيل منظم حفل مارينا السنة اللي فاتت وبرعاية شركة لافا.

التليفزيون المصري بيجري مفاوضات في الوقت الحالي مع الهضبة لنقل الحفل.

----------------

فشل المفاوضات مع التليفزيون المصري لنقل الحدث علي الهواء مباشرة.

عقدة الهضبة

بعد مالفيرجن أكد تصدر الهضبة للمبيعات .. و95% من الصحف والمواقع الالكترونية نشروا انه لوحده ع القمة ومالوش منافس الموسم ده بيظهر بعض المطربين يصرحوا انه البوماتهم محققة مبيعات عالية ومتصدرة المبيعات وبيساعدهم علي ده قنوات الشركات المنتجة لاعمالهم فعملنا استطلاع رأي للديابين ناخد رأيهم ليه الناس دي بتكدب وبتقول الكلام ده وكانت النتيجة كالتالي:

49% اختاروا السبب عقدة من الهضبة.
34% كان اختيارهم انهم بيغطوا علي فشل البوماتهم..عملا بالمثل اللي بيقول: أنا لا اكذب ولكني أتجمل.
16% كان اختيارهم انه شعور بالنقص.

لماذا تامر؟ ومن السبب؟ ولماذا لم يفعلها دياب من قبل؟

ناس كتير ماتعرفش ايه سبب اللي بيحصل في كتير من وسائل الاعلام دلوقتي والربط بين اسم الهضبة و المدعو تامر حسني وخلق مقارنات وهمية بدون وجود وجه مقارنة او اي منطق يقبلها..وليه حالة الكره الموجودة بين جمهور الاتنين وخصوصا كره جمهور تامر من المراهقين لاي نجاح يحرزه دياب .. وخصوصا ان هما عندهم تقبل ان تامر يبقي رقم 10 علي مبيعات الكاسيت بشرط التسعة اللي قبلوا ما يكونش فيهم دياب ويرفضوا يكون التاني لو هيكون اللي قبله الهضبة.

تامر في اول ظهوره كان ديما يقول انه تلميذ الهضبة وانه يتمني يوصل ولو لربع نجاحه واتصور معاه في اكتر من مناسبة ومنهم صورة يادوب ظهر فيها بنص وشه وهو واقف ورا الهضبة ومصطفي قمر وهشام عباس في فرح الشاعر ايمن بهجت قمر املا في ظهوره في صورة تجمعه بالهضبة..وربما يكون روح بيته بروزها وفرحان انه شاف الهضبة في اليوم ده..وجمهور دياب كان في نفس الفترة يحترم تامر علي كلامه واحترامه لدياب وعلي اغانيه اللي كانت ليها ستايل محبوب وكلمات جريئة بعيدة عن الابتزال والاسفاف واشاد بيه وقتها الناقد الفني الاهم في الوطن العربي "اشرف عبد ا لمنعم" ودي كانت اخر مرة يعملها..والسبب معروف !

الي انا جاء استفتاء علي اذاعة نجوم اف ام وفازت اغنية تامر عيونه دار بالمركز الاول وجاء بعدها الهضبة باغنية قصاد عيني بفرق صوتين تلاتة كما صرح مسئولوا المحطة بعدها..والخبر هنا عادي ومش اول استفتاء من القلائل اللي بيخسرهم الهضبة ودي ظاهرة صحية وموجودة في العالم كله مع افضل نجوم العالم.. لكن في صحفيين ماحبوش يمر الخبر مرور الكرام وحبوا يولعوها ويصوروها علي انها حرب وكارثة فنية وان تامر هيزيح الهضبة من ع العرش وظهر اول خبر اشعل فتيل الازمة الموجودة دلوقتي من صحفي هو من اكبر المستفيدين منها الان واحنا في 2009 ..وهذه هي المقالة وبها اسم الصحفي من جريدة عين:

ومن هنا بدات الاشاعات اللي بتربط تامر بدياب وبدأ يحصل مقارنات عبيطة جدا بينهم .. وتامر بقي نجم تليفزيوني وطلع في اكتر من برناج تليفزيوني منهم البيت بيتك وعمل حوارات صحفية والاضواء زغللت عينه بعد اللي شافوا من مجرد خبر نزل عنه هو والهضبة..وكان نتيجة المقالة دي وما تلاها من مقالات مشابهة في بعض الصحف ان بعد ما تعرض تامر للسجن ظهرت اشاعة ان الهضبة اللي سجنه عشان خاف علي عرشه ليضيع رغم ان وقتها الهضبة كان بيحيي مجموعة حفلات في نفس وقت الحادث في كندا وامريكا ومحقق نجاح كبير لا يشغله غيره ولما يرجع يفاجأ بالاشاعة دي..وكعادته سكت وماردش..واكتفي بالاندهاش من الخبر ومن اسم المطرب اللي المفروض انه خايف منه.

وخرج تامر من السجن وهو مصدق الضجة اللي حصلت وافتكر انه كسب الهضبة في استفتاء واستغل الاشاعات اللي طلعت ان الهضبة خايف منه وقال وليه لأ طالما انا المستفيد بالنجاح ده بعد اللي شوفته من وراه .. لحد ما وصل للي بقينا نشوفه منه دلوقتي من اهانات وتصريحات ضد الهضبة واستفزاز لجمهوره..وكان المقابل انه خسر جماهير دياب وبقي اول مطرب عربي يتعمله مواقع وجروبات لكارهيه أعضائه يعدوا بالألاف .. لدرجة انه لما صعد علي المسرح مع منير و80 الف واحد من الحاضرين في الحفلة من جماهير منير هتفوا ضده وطلبوا انه ينزل من ع المسرح قرر انه مايضيعش حتي الفرصة دي ويستغلها لصالحه رغم انها ضده وكفيلة بتدميره وقال ان دياب أجر جماهير تشتمه..يعني دياب دفع لل80 الف دول عشان يشتموه!!!

ولو رجعنا سنين طويلة لورا الصورة دي هتشرحها:

الاسطورة عمرو دياب في بداية حياته تفوق باغنية "افريقيا" في استفتاء جريدة "الاهرام" الصحيفة الاعرق علي الاطلاق علي مستوي الوطن العربي علي اتنين مطربين بحجم موسيقار الاجيال محمد عبد الوهاب والمطربة الكبيرة نجاة الصغيرة وكان المطرب الشاب الوحيد اللي اختاره المصوتين..والسؤال هنا هل فوز دياب قلل من اسمهم او اساء لتاريخهم؟..هل ظهر بعدها الهضبة في كل البرامج التليفزيونية يتكلم عن انجازه التاريخي وعمل حوارات وقال انا هزمت محمد عبد الوهاب؟..طلع اشاعة واحدة تسئ لتاريخ موسيقار الأجيال؟

ولو نظرنا لشكل الاستفتائين هنلاقي ان جريدة الاهرام اختارت مجموعة من الناس من فئات عمرية مختلفة لاختيار الافضل من بين الاغاني اللي صدرت في العام و بالتالي عمرو كسب استفتاء هام ويدل انه استطاع ارضاء جميع الاذواق في الفترة دي ولم يخاطب المراهقين فقط باغانيه..وبالتالي الاستفتاء كان ليه مصداقية عالية ونزاهة متناهية.

اما استفتاء راديو نجوم اف ام وكل الاستفتائات الموجودة دلوقتي اصبح ليس لها اي مصداقية وليس معني خسارة فنان استفتاء انه الاسوء او فوزه انه الاحسن لان الموضوع دخل فيه البزنس والمصالح واحيانا المساوامات واصبح التصويت في زمن "الاس ام اس" اي واحد معاه موبيل ممكن يصوت عشرين مرة..يعني لو في مطرب شعبيته 100 واحد بيحبوه ومطرب تاني بيحبه 20 واحد بس ممكن ال100 كل واحد فيهم يصوت مرة او اتنين وفي المقابل المطرب ابو 20 واحد ممكن كل واحد فيهم يصوتلوا 10 مرات ويفوز ابو 20 في استفتاء المفترض انه جماهيري وانا اتحدي لو كل استفتاء من من بتوع "الاس ام اس" حدد التصويت بعدد الموبيلات اللي صوتت بغض النظر عن عدد الرسايل اللي وصلت من كل رقم مش هيكسبها الا مطرب واحد بس..لكن في زمن البزنس صعب لأن انا بتعاقد مع شركة بارقام تليفونات عشان ازودلها الرسايل من خلال التصويت واخد انا النسبة والمقابل ومصداقية التصويت مش مهمة!

وبعد ما نشرنا الصورتين وشرحنا الشكل والحالة الموجودة دلوقتي ومين اول من اشعل فتيل الازمة واللي بيستفاد منها دلوقتي وكل يوم يتكتب في جريدته انه تامر خلاص اخد عرش الهضبة بعد ان تعاقد مع بيبسي استخفافا بعقولنا..وان نار جمهور تامر ولا جنة جمهور دياب ..وان دياب كان بيراقب مؤتمر توقيع عقد تامر مع شركته رغم وصوله بعد نهاية المؤتمر بساعة كاملة وكأن الهضبة في حاجة الي انه يروح لفندق يراقب مؤتمر (لأ ومن الدور التاني) رغم انه عنده كفائة يقعد في بيته ويوصله المؤتمر كامل علي سي دي من اوله لاخره..لكن في زمن فاروق اول من اشعل الازمة واكتر المستفيدين منها الان بدليل ان كل ما يكتبه اغلبه مقارنات بين دياب وتامر حتي بين الجماهير لازم نقرا ونضحك ونحييه كمان لانه دلوقتي بيحصد ثمرة عمله القديم.

محدث-الصحف العربية بالاجماع تؤكد تصدر "وياه" للمبيعات

جميع المواقع الالكترونية والصحف العربية (بما فيها الصحف اللي ديما بتهاجم الهضبة) تؤكد تصدر ألبوم "وياه" لمبيعات سوق الكاسيت .. لأنها حقيقة يصعب انكارها في ظل الاكتساح التام للألبوم وتصدره مبيعات الفيرجن في جميع أنحاء الوطن العربي ..

عايز أوضح ان كل الصور المنتشرة ع النت وبتشير لتصدر اي فنان وعليها لوجو الفيرجن او اي مصدر اخر غير صحيحة ومجرد صور متفبركة ومزورة لان الفيرجن لا يعلن عن مبيعاته نهائيا وحتي الارقام الموجودة في الصحف مجرد اجتهادات او ارقام تقديرية .. لكن الاكيد ان هناك حقائق وظواهر لا تقبل النقاش ومنها تصدر الهضبة للمبيعات.

جريدة نهضة مصر تنفي تأثر الألبوم بالتسريب والمبيعات فاقت المتوقع:

موقع اليوم السابع يعلن عن تصدر الألبوم لقائمة الأسرع مبيعا:

موقع محيط ومبيعات فاقت عشرات الآلاف في اول يوم:

موقع ميوزيكانا ومبيعات تاريخية:

موقع في الفن واعلي مبيعات للألبوم حسب تصريحات مسئولي الفيرجن:

جريدة الراي الاردنية ونفس التقرير من موقع مصراوي وفارق كبير في المبيعات بين الهضبة وصاحب المركز التاني:

تقارير مختلفة من مجلة وشوشة تؤكد تصدر الهضبة للمبيعات:

موقع مصراوي يعلن تصدر "وياه" للمبيعات باكتر من 2 مليون نسخة:

انتهاء تصوير "وياه" و "بقدم قلبي" في الطريق

الهضبة انتهي من تصوير أول كليب من ألبوم "وياه"..والاغنية اللي تم تصويرها هي "وياه" وبمجرد الانتهاء من المونتاج هيتم عرضها علي التليفزيون.

الهضبة هيفاجي جمهوره وهيبدأ في تصوير تاني كليب لاغنية "بقدم قلبي" في خلال الايام الجايا عشان يبقي صور كليبين بعد 9 سنين من اخر مرة عملها في ألبوم تملي معاك.

مش مفاجأة لو قولت ان في فيديو اتسرب من كواليس تصوير كليب "وياه".. والمفاجأة كانت هتكون لو ده ماتمش لانه بقي الطبيعي لاي حاجة الهضبة يعملها انها تتسرب او تتسرق او تتحرق قبل نزولها رسمي.


شاهد الفيديو اللي تم تسريبه من كواليس الكليب:

وياه قنبلة صيف 2009

في استطلاع رأي الديابين عن ألبوم وياه كانت النتيجة كالتالي:

80% صوتوا لاختيار انه قنبلة صيف 2009.
13% كان رأيهم انه أحسن ألبومات الهضبة.
6% رأيهم انه ألبوم جميل.

ألبوم "وياه" متصدر المبيعات رسميا

في الوقت اللي كان كل وسائل الاعلام ومحلات الكاسيت والتقارير التليفزيونية بتأكد ان الهضبة مكتسح سوق الكاسيت ومتصدر المبيعات .. كان بعض مواقع الفنانين اللي اصدروا البوماتهم مع الهضبة بتنشر اخبار متفبركة وحوارات تمثيلية مع بايعين كاسيت بيقولوا ان مطربهم متصدر المبيعات وبينشروا ارقام مبيعات مزورة تثبت كلامهم في استغلال واضح وغش لاعضاء وجماهير الفنانين دول..وبقي في حالة من اللامصداقية موجودة لحد ماظهرت الصورة اللي انتشرت ع النت وبتوضح ان الهضبة متصدر المبيعات ب 3 مليون و 217 ألف نسخة وعليها لوجو الفيرجن ومنظمة
IFPI
والرقم كان صدمة لمواقع الفنانين الاخرين واصابهم باكتئاب وخلي شكلهم زي الزفت قدام الاعضاء وحاولوا يثبتوا ان الصورة دي مجرد صورة متفبركة ومالهاش اي مصداقية ولازال مطربهم الاول.

الصورة المنتشرة علي النت بشكل مكثف دفعت مصدر مسئول بمتجر فيرجن ميجا ستورز انه ينفي صحتها تماما وأكد انها ماصدرتش من الفيرجن وانه حسب المبيعات اللي حققتها فروع "فيرجن" في الأسبوع الأخير، عمرو دياب هو الأول حتى الآن متفوقا على باقي المطربين المصريين والعرب حسب ما نشر موقع في الفن.

واذا كان تم نفي صحة الصورة المنتشرة الا انها كانت سبب رئيسي في اعلان الحقيقة .. ان الهضبة بالفعل هو متصدر المبيعات عشان يبقي مصدر رسمي لا يقبل النقاش او التكذيب .. وان ادعائات بعض مواقع الفنانين مجرد اوهام واكاذيب بيضللوا بيها الرأي العالم وبيخدعوا بيها جمهور الفنان واعضاء المواقع الخاصة بيه..وزي ما بتقول الحكمة: رب ضارة نافعة.

الصورة التالية بتاريخ 5/7/2009 وبتوضح تصدر الهضبة للمبيعات في الفيرجن:

ألبوم "وياه" يتصدر المبيعات باكتساح

ألبوم "وياه" يكتسح سوق الكاسيت ويتصدر المبيعات في اسبوع واحد محققا اكتر من 3 مليون نسخة بفارق رقم خيالي وتعجيزي يوازي أرقام النجوم العالميين .. ويصعب منافسته حتي لو توقفت مبيعات الهضبة واستمرت للباقيين وهو ما لم ولن يحدث.

أرقام المبيعات تم معرفتها من خلال صورة منتشرة علي النت تحمل لوجو منظمة
IFPI
المسئولة عن تحديد مبيعات سوق الكاسيت في جميع انحاء العالم والمصدر الأول لجائزة ورلد ميوز أورد في تحديد صاحب اعلي مبيعات والحاصل علي الجائزة كل عام حسب كل منطقة (زي منطقة الشرق الأوسط كده)..ولوجو فيرجن ميجا ستور.

ترتيب المبيعات لأعلي 5 ألبومات مبيعا في الشرق الأوسط حتي يوم 3/7/2009 حسب الصورة المنتشرة

آيس كريم في جليم التوب

في استطلاع رأي عن أكتر فيلم بيفضله الديابين من أفلام الهضبة احتل فيلم "آيس كريم في جليم" المركز الأول بنسبة 49% متفوق علي أفلام "العفاريت" صاحب المركز التاني بنسبة 33% و"ضحك ولعب وجد وحب" وحصل علي نسبة 17% من التصويت.